A cuarta xeración de telefonía móbil xa esta aquí... en China
China levou a cabo en Xangai os primeiros ensaios do mundo con tecnoloxía móbil de cuarta xeración (4X), completamente desenvolvida por investigadores do país, segundo informaba o pasado martes a prensa local. A nova tecnoloxía transmite datos até cincuenta veces máis rápido que a 3X, a máis recente nos mercados mundiais, que paradoxalmente aínda non funciona en China por repetidos atrasos do goberno asiático na concesión de licenzas.
Nunha manobra por situarse antes que ninguén no mercado, os enxeñeiros chineses decidiron saltar á cuarta xeración de telefonía móbil. "Os ensaios demostran que a tecnoloxía que desenvolvemos é factible, e colócanos un paso máis preto da súa utilización comercial", afirmou o xefe do programa, You Xiaohu.
As probas están financiadas polo Estado e custarán preto de 150 millóns de iens (uns 15 millóns de euros). Porén, segundo os expertos, non se esperan proxectos para desenvolver comercialmente a 4X en China durante polo menos os próximos cinco anos. A razón é que as súas funcións solaparíanse coas redes de 3X nas que o xigante asiático xa realizou importantes investimentos, e que comezarán a funcionar este ano.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto