Martes 6 de febreiro: día sen móbil
Os usuarios de teléfonos celulares están chamados a participar este martes 6 de febreiro nunha xornada de móbiles caídos. A convocatoria, feita a través do correo electrónico, pretende darlles un toque de atención ás tres principais compañías de telefonía, Movistar, Vodafone e Orange, para que dean marcha atrás na súa decisión de subir as tarifas a partir do 1 de marzo. As empresas pensan así neutralizar a lei que as obriga a cobraren as chamadas por segundos. Xa anunciaron que incrementarán o prezo de estabelecemento de chamada e mais o custo medio por minuto, co que pensan manter os seus elevados beneficios.
Segundo o correo que circula pola rede, os novos prezos son unha estafa, pois duplican as tarifas de países como Bélxica ou Dinamarca. A convocatoria asegura que, se o 6 de febreiro os 40 millóns de móbiles do Estado evitan facer chamadas, agás as estritamente necesarias, pode que as tres compañías de telecomunicacións se dean por aludidas e eviten a entrada en vigor das novas tarifas.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto