A UE vixiará as bitácoras que afagan empresas
A popularización dos blogs incluíu nos últimos tempos o descubrimento desta ferramenta por parte do ámbito empresarial. A bitácora como instrumento para ter un contacto máis estreito cos clientes é xa utilizada con relativo éxito. Ademais diso, están as empresas interesadas en que o debate na bloguesfera trate de xeito favorábel os sus produtos e servizos. Neste último caso, a Comisión Europea proponse vixiar os falsos blogs creados para afago de empresas concretas.
Así o estabelecerá unha nova directiva europea que de xeito específico prohibiralle a unha empresa "representarse falsamente a si mesma como un consumidor". Segundo explica o xornal inglés The Times, o proxecto impediría que unha tenda ou hotel cree unha falsa identidade na rede a través da cal introduza artigos eloxiosos coa súa propia actividade.
A cancela estará operativa desde o ano que vén. Forma parte do conxunto de normas cos que o executivo europeo quere protexer aos consumidores, impedindo prácticas comerciais consideradas "agresivas". A través de Vilaweb coñecemos desta nova, que poden ampliar en The Times.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto