Inventan unha impresora que non precisa tinta
A empresa Xerox está a desenvolver unha nova tecnoloxía de impresión que non vai requirir o uso de tinta. A técnica, que aínda se atopa nas súas primeiras etapas, permitirá reducir os custos económicos e ambientais que provoca o uso masivo de papel nas oficinas, pois empregará follas reutilizábeis que se poderán imprimir e borrar ducias de veces.
O papel está feito cun material que escurece en contacto coa luz ultravioleta, aínda que de momento só permite a reescritura unhas cincuenta veces. Para o estampado, emprégase unha impresora multifunción modificada, que emprega un raio ultravioleta en lugar da tradicional tinta. O escrito esvaécese despois dunhas 20 horas, aproximadamente. Xerox traballa en mellorar a técnica de xeito que se poida controlar o proceso de degradación do impreso e se poida borrar voluntariamente.
Segue a haber moitas incógnitas sobre a revolucionaria tecnoloxía, como o seu prezo final, que determinará o seu éxito. Tamén está por ver se é posíbel a impresión a cor e en alta calidade, algo que non é obxectivo inmediato dos investigadores, centrados de momento na impresión de borradores.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto