Vieiros

O programa da Televisión de Galiza (TVG) Luar segue a sumar as súas propias marcas. Na noite do pasado venres, logo do descanso do verán, o espazo televisivo acadou unha cota de pantalla do 23,9%, o que equivale a 600 mil persoas. Converteuse así, unha vez máis, no programa máis visto en toda Galiza.

O Luar chega este ano á súa décimo oitava temporada e mantívose como líder de audiencia na franxa de maior consumo televisivo, cando as cadeas estatais emitían exitosos programas do corazón. No conxunto do día, a televisión pública galega obtivo unha cota de pantalla do 15,7%, o que a situou como o primeiro canal de ámbito non estatal.