Vieiros

O gran rally Shalymar realizado polos irmáns Vallejo non foi suficiente para darlle a volta á clasificación do campionato estatal. Así, os pilotos de Meira dominaron durante os dous días a proba madrileña, pero Ojeda non tivo problemas para acadar unha segunda posición que lle asegura o campionato.

Sergio Vallejo gañou sete dos 12 tramos disputados, avantaxando a Ojeda en minuto e medio na clasificación final. O campión estatal, pola súa parte, controlou en todo momento a distancia co terceiro clasificado, beneficiado polo susto que sufriu Xavi Pons. O compañeiro de equipo de Vallejo saíu da estrada cando tentaba achegarse a unha segunda posición que lle daría o campionato aos galegos.

O rally foi todo un éxito, e a vitoria dos Vallejo foi seguida por máis de 100 mil persoas.